బుగ్గ మీద చుక్కతో శ్రీముఖిని చూశారా? ఎలా ఉందో..

బుల్లితెర స్టార్ యాంకర్‌ శ్రీముఖి ఎప్పటికప్పుడు కొత్త ఎనర్జీ, కొత్త లుక్‌తో దర్శనమిస్తూ ఉంటుంది. చలాకీ మాటలతో షోని ఓ రేంజ్‌కి తీసుకెళుతుంది. పటాస్ షోతో బుల్లితెర రాములమ్మగా పేరు తెచ్చుకున్న శ్రీముఖి.. ఆ తరువాత వరుసబెట్టి షోలు చేస్తూనే ఉంది. మధ్యలో బిగ్‌బాస్ షోకి సైతం వెళ్లి తన ఫ్యాన్ బేస్‌ను మరింత పెంచుకుంది. మరోవైపు అడపా దడపా సినిమాలు కూడా చేస్తోంది.

భోళా శంకర్ సినిమాలో మెగాస్టార్ చిరంజీవితో శ్రీముఖి రొమాన్స్ చేసింది. అయినా సరే.. ఎందుకోగానీ వెండితెరపై అమ్మడికి అవకాశాలు ఆశించిన మేర రావడం లేదు. దీంతో బుల్లితెరపైనే ఎక్కువగా సందడి చేస్తోంది. మరోవైపు సోషల్ మీడియాలోనూ శ్రీముఖి సందడి చేస్తోంది. గతంతో పోల్చితే శ్రీముఖి కాస్త స్లిమ్‌గా తయారైంది. ఇక ఎప్పటికప్పుడు ఫోటో షూట్స్ చేస్తూ వాటిని సోషల్ మీడియాలో షేర్ చేస్తోంది.

తాజాగా ఓ షో కోసం శ్రీముఖి చాలా అందంగా.. కాస్త వెరైటీగా రెడీ అయ్యింది. దీనికి సంబంధించిన ఫోటోలు సోషల్ మీడియాలో తెగ వైరల్ అవుతున్నాయి. బుగ్గ మీద చుక్కతో అందంగా తయారైంది. ఈ ఫోటోలపై నెటిజన్లు రకరకాల కామెంట్స్ చేస్తున్నారు. ఇక శ్రీముఖి పెళ్లి గురించి కూడా ఇటీవల తెగ వైరల్ అవుతోంది. అయితే తనకు పెళ్లి చేసుకునే ఉద్దేశమే లేదని శ్రీముఖి వివరించి ఆ న్యూస్‌కి ఫుల్ స్టాప్ పెట్టేసింది.