Upasana Konidela: రూమర్స్‌కు చెక్‌పెట్టిన ఉపాసన.. క్లియర్ కట్..

మెగా పవర్‌స్టార్ రామ్ చరణ్-ఉపాసన (Ram Charan – Upasana Konidela) తల్లిదండ్రులు కాబోతున్నారన్న వార్తతో ఏళ్ల తరబడి సాగిన మెగా అభిమానుల నిరీక్షణకు తెరపడింది. స్వయంగా మెగాస్టార్ చిరునే ప్రకటించడంతో అభిమానుల ఆనందానికి అవధుల్లేవ్. ఇంతవరకూ బాగానే ఉన్నా.. సరోగసి ద్వారా ఈ దంపతులు పేరెంట్స్‌ అవ్వబోతున్నారని చిరు ప్రకటన నాటి నుంచే రూమర్స్ వస్తున్నాయ్. మెగా కాంపౌండ్ నుంచి ప్రకటన వచ్చింది కానీ.. దీనిపై మాత్రం ఎలాంటి రియాక్షన్ రాలేదు. దీంతో.. మళ్లీ మెగా ఫ్యాన్స్ డైలామాలో పడ్డారు.

తాజాగా సింగిల్ ఫొటోతో ఆ రూమర్స్‌ అన్నింటికీ చెక్ పెట్టేశారు ఉపాసన. చెర్రీ-ఉపాసన థాయిలాండ్ టూర్‌కు వెళ్లారు. కుటుంబ సభ్యులతో ఉన్న ఈ వెకేషన్‌కు సంబంధించిన ఫొటోలను సోషల్ మీడియా ద్వారా షేర్ చేసింది ఉపాసన. ఈ ఫొటోల్లో ఉప్సీ బేబీ బంప్ స్పష్టంగా కనిపిస్తోంది. ఇందులో రెడ్ లాంగ్ ట్రెండీ వేర్‌లో ఉపాసన ఫోటోలకు ఫోజిచ్చారు. ఆ డ్రస్ కొంచెం టైట్‌గా ఉంది. దీంతో ఉపాసన బేబీ బంప్ రివీల్ అయ్యింది. ప్రేగ్నెన్సి ప్రకటించాక ఫస్ట్ టైం ఉపాసన తన బేబీ బంప్ ఇలా రివీల్ చేసింది. దీంతో విమర్శకులు, ఫ్యాన్స్ అనుమానాలన్నీ పటాపంచలయ్యాయి. ఈ ఫొటోలు మెగాభిమానులకు ఎక్కడలేని సంతోషం తెచ్చిపెట్టాయి.

నిన్న.. మొన్నటి వరకూ ఉపాసన గర్భం దాల్చలేదని.. చరణ్ దంపతుల బిడ్డ వేరే మహిళ గర్భంలో పెరుగుతోందని కొందరు విమర్శించారు. మరికొందరు సోషల్ మీడియాలో తెగ రాసేశారు కూడా. సో.. తాజాగా ఫొటోలతో చెర్రీ దంపతులు సరొగసీ ఆశ్రయించలేదన్న విషయం నిర్ధారణ అయ్యింది. ఈ మధ్యే నయనతార సరోగసి వ్యవహారం పెద్ద రచ్చే అయ్యింది. దీంతో సరోగసి అనే సరికి మెగా ఫ్యాన్స్‌ కాస్త ఉలిక్కిపాటుకు గురయ్యారు. ఏదైతేనేం ఒక్క ఫొటోతో విమర్శకుల నోరు మూయించేసింది ఉప్సీ.