‘ఫ్యామిలీ స్టార్’కి విజయ్ దేవరకొండ రెమ్యూనరేషన్ ఎంతో తెలిస్తే..

‘గీతగోవిందం’ లాంటి బ్లాక్‌ బస్టర్‌ తర్వాత విజయ్‌ దేవరకొండ, పరశురాం కాంబోలో ప్రేక్షకుల ముందుకు రానున్న చిత్రం ‘ఫ్యామిలీ స్టార్’. మృణాల్ ఠాకూర్ ఈ చిత్రంలో హీరోయిన్‌గా నటించింది. ఈ చిత్రంతో మంచి సక్సెస్ అందుకోవాలని విజయ్ దేవరకొండ ఉవ్విళ్లూరుతున్నాడు. ఈ క్రమంలోనే బీభత్సంగా ప్రమోషన్స్ నిర్వహిస్తున్నాడు. ఈ చిత్రం ఏప్రిల్ 5న ఈ చిత్రం ప్రేక్షకుల ముందుకు రానుంది. 

ఏప్రిల్ 2న ఈ చిత్రానికి సంబంధించిన ప్రి రిలీజ్ ఈవెంట్ జరగనుంది. ఈ ఈవెంట్‌కు మెగాస్టార్ చిరంజీవి ముఖ్య అతిథిగా రానున్నారట. దీంతో అందరి చూపూ ఈ చిత్ర ప్రి రిలీజ్ ఈవెంట్ పైనే ఉంది. ఇప్పటి వరకూ విజయ్ దేవరకొండ నటించిన చిత్రాల్లో భారీ సక్సెస్ స్థానంలో గీత గోవిందం కూడా నిలుస్తుంది. ఈ సినిమాకు విజయ్ దేవరకొండ రూ.12 కోట్ల రెమ్యూనరేషన్ అందుకున్నాడని టాక్.

ఇక ఇప్పుడు ‘ఫ్యామిలీ స్టార్’ మూవీకి అంతకు మించిన రెమ్యూనరేషన్‌ను విజయ్ దేవరకొండ అందుకున్నాడట. ఈ సినిమాకు విజయ్ రూ. 15 కోట్ల రెమ్యునరేషన్‌ తీసుకున్నట్లు సోషల్‌ మీడియాలో ప్రచారం జరుగుతోంది. ఈ చిత్రం తొలుత తెలుగు, తమిళ్‌లో రిలీజ్‌ కానుంది. ఈ రెండు భాసల్లో రిలీజైన రెండు వారాల తర్వాత హిందీలోనూ విడుదల కానుందని టాక్. ఇక ఈ చిత్ర ప్రి రిలీజ్ బిజినెస్ అన్ని ఏరియాల్లో కలిసి రూ.45 కోట్ల మేర బిజినెస్‌ చేసిందట.