Director Karthik Dandu: ‘విరూపాక్ష’ డైరెక్టర్‌కు కాస్ట్లీ గిఫ్ట్ ఇచ్చిన నిర్మాతలు

మెగా హీరో సాయి ధరమ్ తేజ్‌(Sai Dharam Tej)కు చాలా కాలం తర్వాత ‘విరూపాక్ష’(Virupaksha) ఒక మాంచి హిట్ దొరికింది. ఈ చిత్రం నిర్మాతలకు సైతం వసూళ్ల వర్షం కురిపించింది. కొత్తదనానికి ఎప్పుడూ కూడా ప్రేక్షకులు ఓటేస్తుంటారు. ముఖ్యంగా థ్రిల్లర్ జోనర్‌ల హవా నడుస్తోంది. ఎంత భయపెడితే అంత పెద్ద హిట్. ప్రేక్షకుడికి సస్పెన్స్ పోకుండా సినిమాను నడిపించగలితే ఆ సినిమా బ్లాక్ బస్టర్ హిట్ కొట్టడం ఖాయం. ప్రస్తుతం నడుస్తున్న ట్రెండ్ ఇది.

ప్రముఖ దర్శకుడు సుకుమార్ శిష్యుడు కార్తీక్ దండు(Karthik Varma) ‘విరూపాక్ష’ను రూపొందించారు. ఈ సినిమా థియేటర్‌లోనే కాదు… ఓటీటీలోనూ హవా సాగిస్తోంది. ఈ సినిమా మొత్తంగా రూ.100 కోట్లు సాధించిందంట. చిన్న సినిమా.. పైగా సింపుల్ బడ్జెట్‌తో రూపొంది.. రూ.100 కోట్లు సాధించడం విశేషం. ఈ నేపథ్యంలో నిర్మాతలు కార్తీక్ వర్మకు అదిరిపోయే గిఫ్ట్ ఇచ్చారు. కాస్ట్లీ బెంజ్ కారును గిప్ట్‌గా ఇచ్చారు. 

 రూ.60 నుంచి 80 లక్షల విలువ చేసే బెంజ్ సీ క్లాస్ మోడల్ ఉన్న కారును కార్తీక్ దండు(Karthik Varma)కు నిర్మాతలు గిఫ్ట్‌గా ఇచ్చారు. ఈ కారును తన గురువు సుకుమార్, హీరో సాయి ధరమ్ చేతుల మీదుగా కార్తీక్ దండు అందుకున్నారు. ప్రస్తుతం ఈ కారుకు సంబంధించిన ఫొటోలు సోషల్ మీడియాలో తెగ వైరల్ అవుతున్నాయి. తన జీవితంలో మరచిపోలేని గిఫ్ట్ ఇదని కార్తీక్ దండు మెసేజ్ చేశారు. అభిమానులు తిరిగి అలాంటి హారర్ మూవీని రూపొందించాలని కోరుతున్నారు.