తన భార్య ఎదుర్కొన్న దారుణ అవమానాన్ని వివరించిన యాంకర్ రవి..

టాలీవుడ్ టాప్ మేల్ యాంకర్స్‌లో రవి ఒకడు. రవి చేసిన షోస్ అన్నీ మంచి సక్సెస్ సాధిస్తూ ఉంటాయి. అప్పట్లో రవి కెరీర్‌కు బ్రేక్ పడింది. ఆ తరువాత బిగ్‌బాస్ షోలో రవి బాగా ఆకకట్టుకున్నాడు. అక్కడి నుంచి తిరిగి కెరీర్ ఊపందుకుంది. అయితే రవి తన కెరీర్‌లో పర్సనల్‌గానూ, ప్రొఫెషనల్‌గానూ చాలా విమర్శలు ఎదర్కొన్నాడు. ముఖ్యంగా అప్పట్లో యాంకర్ లాస్య – యాంకర్ రవి మధ్య లవ్ ఎఫైర్ నడుస్తుందని అనేక పుకార్లు షికారు చేశాయి. 

ఈ పుకార్ల కారణంగా రవి పర్సనల్ లైఫ్ కూడా ఇబ్బందుల్లో పడిందట. ఇక ఇప్పుడైతే ఆ జంట చాలా సంతోషంగా జీవిస్తోంది. అయితే తాజాగా ఓ ఇంటర్వ్యూలో రవి తన పర్సనల్ లైఫ్‌కు సంబంధించిన ఓ పరాభవాన్ని ఓ ఇంటర్వ్యూలో వెల్లడించాడు. రీతూ చౌదరి హోస్ట్ చేస్తున్న దావత్ షోలో రవి పాల్గొన్నాడు. ఈ షోలో రవి తన కెరీర్, పర్సనల్ లైఫ్‌కు సంబంధించిన చాలా విషయాలను వివరించాడు.  

తను పక్కా 100 శాతం కమర్షియల్ అని.. తనకు వచ్చిన పని చేసుకుంటూ డబ్బు తీసుకుంటానని రీతూ ప్రశ్నకు సమాధానంగా రవి చెప్పాడు. ఈ సమయంలోనే లాస్యతో ఎఫైర్ రూమర్స్ వస్తున్న క్రమంలో.. తన భార్యకు జరిగిన సంఘటన గురించి రవి బయటపెట్టాడు. తన భార్యతో కలిసి ఓ ఫ్యామిలీ ఫంక్షన్‌కు వెళ్లానని.. అక్కడ తన భార్యను ‘రవి భార్య ఆ యాంకర్ కదా.. నువ్వేంటి నా భర్త అని చెప్పుకుని తిరుగుతున్నావ్?’ అని అడిగారట. దీంతో రవి భార్య చాలా ఏడ్చిందట. ఈ రూమర్స్ వల్ల తాము చాలా ఇబ్బందులు పడ్డామని తెలిపారు.