కెరీర్ ఖతం అనుకుంటున్న టైంలో అదిరిపోయే ఛాన్స్ పట్టేసిన పూజా హెగ్డే..
తెలుగింటి బుట్టబొమ్మ.. దెబ్బకు ఫేడ్ అవుట్ అయిపోయింది. వరుస ఫ్లాప్‌లతో పత్తా లేకుండా పోయింది. ఒకానొక టైంలో టాలీవుడ్ టు బాలీవుడ్ కాళ్లకు చక్రాలు పట్టుకుని మరీ తిరిగిన ఈ ముద్దుగుమ్మ ఇప్పుడు ఏ ఉడ్‌లో అవకాశం వస్తుందా? అని ఎదురు చూడాల్సిన పరిస్థితి వచ్చింది. ఇక పూజా పాప కెరీర్ ఖతం అని అందరూ ఫిక్సైన టైంలో అమ్మడికి క్రేజీ ఆఫర్ వెదుక్కుంటూ చెంతకు చేరింది.
కోలీవుడ్‌ స్టార్ సూర్య సరసన ఈ ముద్దుగుమ్మ అవకాశం కొట్టేసిందని టాక్. సూర్య ప్రస్తుతం ‘కంగువ’ మూవీ చేస్తున్నాడు. ఇది ఈ ఏడాదే ప్రేక్షకుల ముందుకు రానుంది. ఈ క్రమంలోనే సూర్య తన 44వ చిత్రానికి సైతం సిద్ధమవుతున్నాడు. కార్తీక్ సుబ్బరాజ్ దర్శకత్వంతో పాటు ఈ చిత్రానికి నిర్మాతగా కూడా వ్యవహరించబోతున్నారు. సూర్య సొంత నిర్మాణ సంస్థ 2డీ ఎంటర్‌టెయిన్‌మెంట్స్‌తో కలిసి సుబ్బరాజ్ ఈ చిత్రాన్ని నిర్మించనున్నారు.
ఈ సినిమాకు సంబంధించిన అధికారిక ప్రకటన కూడా వచ్చేసింది. అయితే మన బుట్టబొమ్మ పూజా పాప ఈ సినిమాకు హీరోయిన్‌గా ఎంపికైందట. అసలే అవకాశాల్లేక అల్లాడుతున్న ఈ ముద్దుగుమ్మకు ఇది నిజంగా బంపరాఫర్ అనే చెప్పాలి. ఈ ముద్దుగుమ్మ ‘మాస్క్’ అనే తమిళ సినిమాతోనే హీరోయిన్‌గా ఇండస్ట్రీలోకి ఎంట్రీ ఇచ్చింది. ఇప్పుడు ీ తమిళ్ సినిమా అమ్మడిని నిలబెడితే నిలబెట్టాలి. లేదంటే కష్టమే..
