Rana Daggubati: రాక్షస రాజుగా రానా.. బంపర్ ఆఫర్ ఇచ్చిన తేజ
‘నేనే రాజు నేనే మంత్రి’ సినిమాతో సూపర్ హిట్ అందుకున్న దగ్గుబాటి రానా, దర్శకుడు తేజల కాంబోలో మరో మూవీ తెరకెక్కనుంది. గోపీనాథ్ ఆచంట నిర్మాతగా రూపొందనున్న ఈ చిత్రానికి సంబంధించిన అధికారిక ప్రకటన ఇప్పటికే వచ్చేసింది. ఈ సినిమాలో ఒక ప్రముఖ మలయాళం స్టార్ కూడా నటించబోతున్నట్టు సమాచారం.
తాజాగా ఈ సినిమాకు సంబంధించి మరికొన్ని అప్‌డేట్స్ బయటకు వచ్చాయి. ఈ సినిమా నేపథ్యంలో చాలా మంది కొత్త వాళ్లను తేజ పరిచయం చేయబోతున్నట్టు సమాచారం.
ఇక రానా, తేజ కాంబోలో తెరకెక్కుతున్న మూవీకి రాక్షస రాజుఅనే టైటిల్‌ ఫిక్స్ చేశారు. ఈ విషయాన్ని తేజ స్వయంగా వెల్లడించారు. రానాతో సినిమా చేయబోతున్నానని.. దీనికి రాక్షస రాజు అనే టైటిల్‌ అనుకుంటున్నట్టు తేజ తెలిపారు.
ఆసక్తికరంగా ఈ సినిమాలో 45 మంది కొత్త వాళ్లను పరిచయం చేయబోతున్నట్టు వెల్లడించారు. మరో బంపర్ ఆఫర్ కూడా ఇచ్చారు. తన సినిమాలో నటించాలనే ఆసక్తి ఉన్న వాళ్లు తనను తన ఇన్‌స్టాగ్రామ్‌లో ఫాలో అవ్వాలని.. పూర్తి వివరాలు అక్కడ పెడతానని తేజ వెల్లడించారు.
