పార్టీ ఇచ్చిన రామ్ చరణ్.. సందడి చేసిన స్టార్ హీరోలు

స్టార్ హీరోలంతా ఫ్యామిలీస్‌తో సహా ఒకచోట చేరి సందడి చేసి ఆ పిక్స్‌ను సోషల్ మీడియాలో పోస్ట్ చేస్తే ఆ హీరోల ఫ్యాన్స్ ఎంత హ్యాపీ ఫీలవుతారో ప్రత్యేకంగా చెప్పాలా? దీపావళిని సామాన్య ప్రజానీకమే కాదు.. దీపావళిని ఇండస్ట్రీలోని వారంతా వైభవంగా జరుపుకున్నారు. ఇక స్టార్ హీరోలంతా తమ సతీమణులతో కలిసి ఒకచోట చేరి సందడి చేశారు. దీనికి సంబంధించిన పిక్స్ సోషల్ మీడియాలో తెగ వైరల్ అవుతున్నాయి.

ఆదివారం దేశవ్యాప్తంగా దీపావళి వేడుకలు వైభవంగా ప్రారంభమయ్యాయి. మెగా పవర్ స్టార్ రాంచరణ్ – ఉపాసన దంపతులు దీపావళి సందర్భంగా గ్రాండ్ పార్టీ ఇచ్చారు. శనివారం రాత్రి ఈ పార్టీ జరిగింది. హైదరాబాద్‌లోని రామ్ చరణ్ నివాసంలో తమ ముద్దుల కూతురు క్లీంకారకు ఇది తొలి దీపావళి పండుగ కావడంతో రామ్ చరణ్ దంపతులు ఈ పార్టీని ఏర్పాటు చేసినట్టుగా తెలుస్తోంది.

ఈ దీపావళి వేడుకలకు స్టార్ హీరోలు వెంకటేశ్, మహేష్ బాబు – నమ్రత దంపతులు, ఎన్టీఆర్ – ప్రణతి దంపతులతోపాటు మంచు లక్ష్మి, సుధీర్ బాబు ఫ్యామిలీ సహా టాలీవుడ్ నటీనటులు, దర్శక నిర్మాతలు ఈ పార్టీలో సందడి చేశారు. డిన్నర్ చేస్తూ ఫుల్‌గా ఎంజాయ్ చేశారు. ఈ పార్టీకి సంబంధించిన కొన్ని ఫొటోలను నమ్రత తన ఇన్ స్టాగ్రామ్‌లో షేర్ చేశారు. ఈ పిక్స్ సోషల్ మీడియాలో తెగ వైరల్ అవుతున్నాయి.