ఐశ్వర్యరాయ్-అభిషేక్ వీడిపోతున్నారన్న వార్తలపై క్లారిటీ వచ్చేసినట్టేనా?

ఐశ్వర్యరాయ్-అభిషేక్ బ‌చ్చన్ జంట విడిపోతున్నార‌ంటూ మీడియాలో పెద్ద ఎత్తున న్యూస్ వచ్చాయి. సోషల్ మీడియాలో సైతం బీభత్సంగా ప్రచారం జరిగింది. ఈ జంట‌ విడిపోయే అవకాశం ఉందని దీనికి రకరకాల కారణాలను వెతికి మరీ వెల్లడించింది. ఇక అభిషేక్‌తో తెగదెంపులు చేసుకుని ఐష్ తన పుట్టింటికి వెళ్లిపోయారని సైతం ప్రచారం జరిగింది. బిగ్‌బీ అమితాబ్ బచ్చన్ సోషల్ మీడియాలో ఐష్‌ను అన్ ఫాలో చేయడమే దీనికి నిదర్శనమని మీడియా తెలిపింది.

అయితే తాజాగా ఐశ్వర్య రాయ్ – అభిషేక్ బచ్చన్ ఓ కార్యక్రమానికి జంటగా హాజరై ఈ పుకార్లకు చెక్ పెట్టేసింది. తాజాగా వీరిద్దరూ తమ కుమార్తె ఆరాధ్య చదువుతున్న ముంబైలోని ధీరూభాయ్ అంబానీ ఇంటర్నేషనల్ స్కూల్ వార్షిక దినోత్సవ కార్యక్రమంలో క‌లిసి కనిపించారు. దీనికి సంబంధించిన ఫోటోలు నెట్టింట తెగ వైరల్ అవుతున్నాయి. మొత్తానికి వీరిద్దరూ విడిపోతున్నారనే వార్తలకు ఈ జంట ఇలా చెక్ పెట్టిందని టాక్ నడుస్తోంది.

అయితే ఈవెంట్‌కు ఐశ్వర్యారాయ్ – అభిషేక్‌ల జంట వేరు వేరు కార్లలో వచ్చింది. ఐశ్వర్య రాయ్ తన తల్లి బృందారాయ్‌తో కలిసి కారులో రాగా.. అభిషేక్ వచ్చేసి తన తండ్రి అమితాబ్, మేనల్లుడు అగస్త్య నందాతో క‌లిసి వచ్చారు. కార్లు దిగిన తర్వాత మాత్రం ఇద్దరూ కలిసే నడుచుకుంటూ స్కూలులోకి వెళ్లారు. వేదిక వద్ద కూడా ఫ్యామిలీ అంతా కలిసే కనిపించింది. ఈ క్రమంలోనే ఐశ్వర్యారాయ్ తన మామగారు అమితాబ్‌తో మాట్లాడారు. అభిషేక్, ఐష్‌కు చక్కగా మాట్లాడుకుంటూ కనిపించారు. దీంతో వీరిద్దరూ విడిపోతున్నారన్న వార్తలన్నీ ఫేక్ అని తెలుస్తోంది. దీనికి సంబంధించిన వీడియో సోషల్ మీడియాలో వైరల్ అవుతోంది