‘కుర్చీని మడత పెట్టి’ సాంగ్‌పై వెల్లువెత్తుతున్న ట్రోల్స్..

సూపర్ స్టార్ మహేష్ బాబు, త్రివిక్రమ్ కాంబోలో రూపొందిన సినిమా ‘గుంటూరు కారం’. ఈ సినిమా సంక్రాంతి కానుకగా జనవరి 12న ప్రపంచ వ్యాప్తంగా ప్రేక్షకుల ముందుకు రానుంది. ఈ క్రమంలోనే సినిమాకు సంబంధించిన అప్‌డేట్స్‌ను ఒక్కొక్కటిగా వదులుతున్నారు. తాజాగా సినిమాకు సంబంధించిన పలు అప్‌డేట్స్‌ను ఒక్కొక్కటిగా విడుదల చేస్తున్నారు. తాజాగా సినిమాకు సంబంధించిన ఓ ప్రోమో సాంగ్ విడుదలైంది.

కొన్నాళ్ల ముందు కుర్చీ తాత చెప్పిన డైలాగ్‌తోనే ఓ మాస్ సాంగ్‌ను కంపోజ్ చేశారు. నిజానికి ఒకప్పటి మాదిరిగా పరిస్థితులు లేవు. స్టోరీతో సంబంధం లేకుండా పాటలుండాయి. అది కూడా ట్రెండ్‌కి తగ్గట్టుగా ఉంటేనే క్లిక్ అవుతాయి. ఈ క్రమంలోనే కుర్చీతాత డైలాగ్‌తో మాస్ సాంగ్‌ను గుంటూరు కారం సినిమాలో పెట్టారు. దీనిని కొందరు బాగా ఎంజాయ్ చేస్తున్నారు. కొందరు మాత్రం విపరీతంగా ట్రోల్ చేస్తున్నారు.

‘ఒకప్పుడు మహేష్, త్రివిక్రమ్ కాంబోలో ‘పెను తుఫాన్ తలొంచి చూసే, సదా శివా సన్యాసి’ వంటి గొప్ప లిరిక్స్ విన్నాం. ఇప్పుడు ఏంట్రా ఈ డౌన్ ఫాల్ అసలు అంత పెద్ద సూపర్ స్టార్ సినిమాలో ఉండాల్సిన లిరిక్సా అవి?’ అని ఒకరు… ‘ఇలాంటి పిచ్చి సాంగ్‌ను నేనెప్పుడు ఊహించలేదని’ మరొకరు.. ‘మూవీలో డైలాగ్స్ వల్గర్‌గా ఉంటే సెన్సార్ పెట్టి మ్యూట్ చేయొచ్చు కానీ ఇలా రీల్స్‌లో వచ్చిన డైలాగ్‌ని సాంగ్‌లా పెట్టడం అది కూడా ఒక పెద్ద సూపర్ స్టార్ మూవీలో.. ఇది ఎంత వరకు కరెక్ట్.. ఒకసారి మన ఫ్యాన్స్ అందరం ఆలోచించాల్సిన విషయం’ అని కామెంట్ పెట్టారు. ఇలా రకరకాలుగా ఈ సాంగ్‌పై ట్రోల్స్ సోషల్ మీడియాలో వెల్లువెత్తుతున్నాయి.